jasqazaq.kz

Қазақстандық әскери қызметшілер Армия ойындарында екі конкурстың жеңімпазы атанды (видео)

04 қыркүйек 2021, 15:10

Армия халықаралық ойындары аяқталуға жақын. Қазақстандық әскери қызметшілер 11 конкурсқа қатысты. Оның 2-уі ел аумағында өтті. Бұл туралы ҚР Қорғаныс министрлігінің баспасөз қызметіне сілтеме жасап ҚазАқпарат хабарлайды.

Ұшқышсыз ұшу аппараттарының есептоптары арасындағы «Сұңқар аңшылығы» конкурсында Қазақстан командасы бұлтарыссыз жеңіске жетті. Екінші орынды – Беларусь, үшінші орынды – Ресей еншіледі.

«Артиллериядан оқ ату шеберлері» – бұл минаатқыш бөлімшелердің жарысы. Қазақстан жауынгерлері табанды күресте негізгі қарсыласы – ресейлік әскери қызметшілерден басып озып бірінші орын алды. Үшінші орын Әзербайжанға бұйырды.

Бұдан өзге, ел Қарулы Күштерінің әскери қызметшілері бірқатар сайыстардан жүлделі орындар алды. Айта кетсек, «Десант взводы» конкурсында ресейлік десантшыларға ғана есе жіберіп, екінші орынға табан тіреді.

Қазақстан сондай-ақ, «Тактикалық мерген», «Аттар марафоны», «Бейбітшілік жауынгері», «Тәртіп сақшысы», «Эльбрус шеңбері», «Теңіз кубогы» және «Армия мәдениеті» конкурстарында «қола» жүлде иегері атанды.

Армия халықаралық ойындарына қатысушы әскери қызметшілер Отаннан жырақта жүрсе де, Жамбыл облысында орын алған өрт кезінде бүкіл елмен бірге қайғырғанын бірнеше рет атап өтті. Армия ойындарындағы өздерінің жоғары жетістіктерін қаза тапқандардың рухына арнайды.

Армия халықаралық ойындарының жабылу рәсімі күні «Танк биатлоны» конкурсының ақтық сайысы өтеді. Онда Әзербайжанның, Қазақстанның, Қытай және Ресейдің танк экипаждары бағын сынайды.

https://youtu.be/UlKTMprBuRY

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия