jasqazaq.kz

Қазақстанда тұрғындар саны 10-ға жетпейтін 45 ауыл бар

13 қазан 2021, 13:09

Қазақстанда тұрғындарының саны 10-ға жетпейтін 45 ауыл бар. Орталық коммуникациялар қызметінде өткен брифингіде ҚР Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті төрағасының орынбасары Бейбіт Шаханов осындай мәлімет берді, деп хабарлайды ҚазАқпарат.

«Ел бойынша барлығы 6 316 ауыл бар. Оның ішінде халық саны 50 адамнан кем – 348 ауыл (10,1 мың адам) және 10 адамнан кем – 45 ауыл (253 адам) бар. Оның ішінде 3 991 ауыл орталық сумен қамтылған, 403 ауылда кешенді блок-модульдер орнатылған. Ауызсумен қамтылмаған 1 922 ауылдың 793-інде орталықтандырылған сумен жабдықтау жүйелерін салу жұмыстарын жалғастыру жоспарланып отыр», — деді комитет басшысының орынбасары. Оның мәліметі бойынша, тұрғын саны 200-ге жетпейтін ауылдарға кешенді блок-модульдер орнатылмақ. «Қаражатты тиімді пайдалану үшін халық саны 200-ден кем 1 129 ұсақ ауылда кешенді блок-модульдер орнатылады. Кешенді блок-модульдердің бағасы, орнату және пайдалану жолдары жеңіл. Қажет болған жағдайда ауылдан ауылға тасымалдау мүмкіндігі бар. Биыл жергілікті атқарушы органдардың жедел ақпаратына сәйкес 368 ауылды қамту жоспарлануда. Оның ішінде 148 ауылда орталық сумен жабдықтау және 220 ауылда жергілікті бюджет қаражаты есебінен кешенді блок-модульдер орнату жоспарлануда», — деді Бейбіт Шаханов.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия