jasqazaq.kz

Қазақстанда 2020 жылы бала туу көрсеткіші бойынша рекорд тіркелді

15 сәуiр 2021, 13:24

Қазақстанда бір жыл ішінде бала туу көрсеткіші бойынша рекорд тіркелді, — деп хабарлайды Energyprom.kz.

Сарапшылардың айтуынша, Қазақстанда 2020 жылы туған нәрестелер саны бойынша жаңа рекорд орнаған: бірден 460 мыңға жуық бала дүниеге келді. Бұрын бұл көрсеткіш «тұрақты түрде 400 мыңға жуық болған».

Сонымен қатар, сарапшылар білім алу мәселесін де көтерді.

«Бұл баланың бәріне алты-жеті жылдан кейін мектеп керек болады. Барлық ықтимал тетіктерді жылдам қосып, инвесторлар мен құрылыс салушыларды ынталандырмайтын болса, Қазақстанның білім беру жүйесіндегі жағдай нашарлайды.

Демографиялық және көші-қон процестерін ескерсек, қалаларда орта білім беру инфрақұрылымының жетіспеушілігіне байланысты жағдай нашарлауы мүмкін. Мысалы, 2025 жылға қарай орын тапшылығы шамамен 670 мың болады», — деп пайымдайды сарапшылар.

Білім және ғылым министрлігі мәліметі бойынша, бүгінде Қазақстанда 7 429 мектеп жұмыс істейді, онда 3,4 миллионға жуық оқушы оқиды. Оның ішінде 137 мектеп — үш ауысымды, тағы 34 мектеп апатты жағдайда, делінген премьер-министрдің ресми ресурсында.

Рrimeminister.kz деректері бойынша, былтыр еліміздің барлық 17 өңірі бойынша орын тапшылығы 168 мыңнан асқан. Сонымен қатар, «Атамекен» ҰКП Адами капиталды дамыту департаментінің директоры Ләззат Шонаева 2021 жылы оқушы орындарының тапшылығы 264,8 мың деп мәлімдеді.

Бұл сандар елде мектептердің жетіспейтіндігін көрсетеді, дейді мамандар.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия