242 ресейлік өз еліне қайтты

26 сәуiр 2018, 16:54

Қазақстан Ресейдің 242 азаматын өз еліне қайтарды. Ал Ресей Федерациясы болса 272 отандасымызды экстрадициялады. Оның сотталған 112-сі елде ары қарай жазасын өтейтін болады. Бұл туралы бүгін еліміздің Бас прокуроры Қайрат Қожамжаров пен Ресей Тергеу комитетінің төрағасы Александр Бастрыкиннің кездесуі барысында мәлім болды. Онда тараптар өзара ынтымақтастық туралы және «Байқоңыр» кешені аумағындағы қатынас жөніндегі келісімдерге қол қойды. Сондай-ақ қылмыстарды ашу мен тергеп-тексеру барысындағы әдіс-тәсілдерімен бөлісуге, оның ішінде террористік, экстремистік және сыбайлас жемқорлық сияқты бағыттарда тәжірибе алмасуға келісті.

24.kz