jasqazaq.kz

Қазақстан әскери дәрігерлерін Ливанға жіберуі мүмкін

08 тамыз 2020, 12:36

Президент Қасым-Жомарт Тоқаев Қорғаныс министрі Нұрлан Ермекбаевты қабылдады.Бұл туралы  Ақордаға сілтеме жасап zakon.kz хабарлайды. 

Қорғаныс министрі Мемлекет басшысы – Жоғарғы Бас қолбасшыға қарулы күштердің әскери және жедел даярлығы, Қазақстан армиясын дамыту туралы есеп берді.

Нұрлан Ермекбаев Қасым-Жомарт Тоқаевқа COVID-19 індетіне шалдыққан азаматтарды қабылдауға арналған әскери медициналық госпитальдің жұмысы туралы баяндады. Сондай-ақ ол әскери қызметшілер республиканың 10 қаласында дезинфекциялау жұмыстарын жүргізгені және қазақстандық әскери дәрігерлердің елімізге келген ресейлік әріптестерімен бірлесіп әрекет етіп жатқаны жайында айтты.

Қорғаныс министрі Қарулы күштердің құрылысы және дамуы тұжырымдамасын әзірлеу туралы да атап өтті.

Қасым-Жомарт Тоқаев қазақстандық әскерді дамытуды жоспарлау кезінде мемлекеттің қаржы-экономикалық мүмкіндіктерін ескеру қажет екеніне баса назар аударды.

Қорғаныс министрі Тұжырымдаманы әзірлеудің бірінші кезеңінде бюджет қаржысын үнемдеу мақсатында ұйымдық-штаттық құрылымды, әскери бөлімшелердің саны мен әскери инфрақұрылым нысандарын оңтайландыруға, оқ-дәрілерді және әскери техниканы тиімді пайдалануға басымдық берілетінін жеткізді.

Нұрлан Ермекбаев Қасым-Жомарт Тоқаевқа әскери міндеттілерді жедел әскерге шақыру науқанының аяқталуы туралы ақпарат берді.

Мемлекет басшысы қайта қаруландыру жұмыстарын жоспарлы жүргізуге, әскерді жаңғыртуға, оның ішінде, әскери комиссариаттардың қызметін автоматтандыру және цифрландыру қажеттігін атап өтті. Президенттің пікірінше, әскери тәртіпті және жемқорлыққа қарсы күресті нығайтуға баса мән беру керек.

Бас қолбасшы Бейрут портындағы жарылыс салдарынан зардап шеккен адамдарға медициналық көмек көрсету үшін Ливанға әскери медицина қызметкерлерін жөнелту мәселесін пысықтауды тапсырды.

Бейбіт өмірге және соғыс жағдайына бейімделген техникалық қызметтер мен әскери құрылымдардың техногендік және табиғи сипаттағы төтенше жағдайларды жоюға, сондай-ақ, биологиялық және химиялық қауіппен күреске жұмылдырылу ықтималдығын ескере отырып, олардың тұрақты түрде әскери дайындықтан өтіп тұруы қажет екені айтылды.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия