Қатар-2022: 1/8 финалда ойнайтын құрамалар

Қатарда өтіп жатқан футболдан әлем чемпионатында топтық кезеңнің қорытындысы бойынша 1/8 финалға жолдама алған барлық командалар белгілі болды.

Плей-офф кезеңіне соңғы жолдамаларды G және H  тобынан Швейцария мен Оңтүстік Корея иеленді. Бразилия (G) және Португалия (H) командалары өз топтарынан ерте шықты.

Бразилия 1/8 финалда 6 желтоқсанға қараған түні Оңтүстік Кореямен, ал 7-не қараған түні Португалия Швейцариямен ойнайды.

1/8 финалдағы Нидерланды мен АҚШ, сондай-ақ Аргентина мен Австралия арасындағы алғашқы матчтар, 3 желтоқсаннан 4-іне қараған түні өтеді.

1/8 финалдың толық құрамы төмендегідей:

Нидерланд — АҚШ

Аргентина — Австралия

Франция — Польша

Англия — Сенегал

Жапония — Хорватия

Бразилия — Оңтүстік Корея

Марокко — Испания

Португалия — Швейцария