Қасымов инспекторларға жасалған шабуыл жайлы айтты

ІІМ басшысы қылмыстық оқиғаның мән-жайын Парламент Сенатының кулуарында журналистерге айтып берді. Қасымов инспекторды күдіктілердің кім екені анықталғанын және олардың арасында Қызылорда облысының тумалары бар екенін айтты. Оның айтуынша, күдіктілер арасында полицейлер жоқ. Бұл туралы Tengrinews.kz хабарлады.

«Иә, олар Қызылорда тұрғындары. Қызылорда облыстық полиция департаментінің қызметкерлері бағыттама таратты. Көліктерді аныққталды және адамдардың кім екені де белгілі болды. Куәгерлер бар, онда екі көлік болған. Қазір іздеу жарияланды. (…) Қылмыскерлер кетіп бара жатқан уақытта, көліктің кілті мен инспекторлардың навигаторын алып кеткен. Сол себепті екінші көлік оларды бірден таба алмаған. Сол үшін ауруханаға жеткізу үшін біраз уақыт жоғалтып алды. Таңертең науқасты тікұшақпен жеткізейін дедік, алайда ауа райының қолайсыздығына байланысты ТЖД өкілдері рұқсат бермеді», — деді ІІМ басшысы. Инспекторларға шабуыл жасау дерегі бойынша Қарағанды облыстық полиция департаменті ҚР Қылмыстық кодексінің 99-бабы 2-бөлігі («Кісі өлтіру, адамдар тобы, алдын ала сөз байласу арқылы адамдар тобы жасаған») бойынша тергеу жүріп жатыр. «Әзірге бұл адамдар ұсталған жоқ. Олар екі көлікпен жүрген. Бірақ бір көлікте отырған үш адам осы қылмысқа барған. Біреулерін анықтап, солар арқылы екіншілері белгілі болды. Қандай да бір мәлімет болған уақытта, хабарлайтын боламыз», — деді министр. Осыған дейін, «Охотзоопром «ӨБ» республикалық мемлекеттiк қазыналық кәсіпорнының браконьерлер шабуылынан зардап шеккен инспекторы оқиға жайлы айтып берді. Петр Ницык қылмыскерлермен текетірестің қалай өрбігені туралы айтқан видеосын Ауыл шаруашылығы министрінің кеңесшісі Сәкен Қалқаманов Facebook желісіндегі парақшасында жариялады. Ол екінші инспектор Ерлан Нұрғалиев 15 қаңтарда таңертең қайтыс боғланы туралы хабарлады. Браконьерлердің инспекторлардың навигаторын алып кеткенін және боран кезінде олардың қайда екенін анықтау қиын болғанын айтты. Төтенше жағдайдан соң, инспекторлар 2,5 сағат бойы көмек күткен.