Қаскелеңдегі жарылыс салдарынан 1 бала көз жұмды

Қаскелеңде көпқабатты тұрғын үйде жарылыс болды. Облыстық ТЖД баспасөз хатшысы Азамат Жұртбаевтың айтуынша, көпқабатты тұрғын үйдің ең үстіңгі қабатындағы пәтерде газ ауа қоспасы жарылып, жапсарлас тұрған бірнеше пәтерге нұқсан келген.

Төтенше жағдайлар комитетінің мәліметінше, «7 адам, соның ішінде 3 бала түрлі жарақат алды. Барлық зардап шеккендер ауруханаға жеткізілді. 2009 жылы дүниеге келген бала оқиға орнында көз жұмды. Аталған үйдің тұрғындарын өртке қарсы қызмет қауіпсіз жерге көшіріп, Қаскелең әкімдігі уақытша тұру орнын ұйымдастырды. Жарылыс себебі анықталып жатыр», — деді ведомстводан.

Ақпарат көзі: ҚазАқпарат