Қару саудагері ұсталды

Ақтауда полиция қызметкерлері қару-жарақ пен оқ-дәрі сатқан адамды ұстады. Бұл туралы  Маңғыстау облыстық полиция департаментінің баспасөз қызметіне сілтеме жасап Tengrinews.kz хабарлайды.

Жергілікті қару сатушысы 25 қазанда ұсталды. Тінту барысында одан 12 қару мен 1497 дана оқ-дәрі тәркіленді. Аталған дерек ҚР ҚК 297-бабының 3-бөлігі бойынша сотқа дейінгі тергеудің бірыңғай тізіліміне тіркелді. Ер адам уақытша ұстау изоляторына қамалды. Қазір криминалдық полиция қызметкерлері оның басқа қылмыстарға қатыстығын тексеріп жатыр. «Сотқа дейінгі тергеу жүргізіліп жатыр. Сот-баллистикалық сараптама тағайындалды», — деді облыстық полицияның баспасөз қызметі.