Қарағандыда жаңа жылдық кеш адам өлімімен аяқталды (видео)

Қарағандыда жаңажылдық түнде мейрамханада болған төбелестен ер адам қаза тапты, — деп хабарлайды Tengrinews.kz Қарағанды облытық полиция департаментініне сілтеме жасап.

Клубта жастар арасында жанжал шығып, артынша төбелеске ұласқан. Видеодағы үзіндіге сәйкес, оқиға 1 қаңтарға қараған түні болған.

Өңірдегі полиция өкілдерінің мәліметінше, 1 қаңтарда қаладағы мейрамханалардың бірінде, зорлық белгілері бар 23 жастағы жігіттің денесі табылған. Осы уақытта әр түрлі дене жарақатын алған үш жігіт (24-27 жас аралығындағы жігіттер) медициналық мекеменің көмегіне жүгінген. Осы дерекке қатысты сотқа дейінгі тергеу шаралары ҚР Қылмыстық кодексінің 99-бабы 1-бөлігі «Кісі өлтіру» бойынша жүріп жатыр. Алдын ала мәлімет бойынша, жастар спирттік ішімдік ішкеннен кейін жанжалдасқан. Қазіргі уақытта күдікті анықталды, ұстау шарасы жүргізіліп жатыр», — деді полиция баспасөз қызметінің өкілдері.