Қарағандыда заңсыз ойын бизнесін ұйымдастырушылар ұсталды

19 қараша 2020, 10:40

ҚР ҚМ Қаржы мониторингі комитетінің Қарағанды облысы бойынша Экономикалық тергеу департаменті «СТОП ойын» профилактикалық іс-шаралары шеңберінде Қарағанды қаласында ойын бизнесінің заңсыз қызметінің жолын кесті.

Заңсыз айналымнан «Lotomatic» лотерея қызметінің атын жамылып, заңсыз қызметтер көрсету үшін пайдаланылған 3 ойын терминалы алынды, деп хабарлайды ҚазАқпарат. Тергеу барысында күдіктілер ҚР ҚК 307-бабының 1-б. көзделген қылмыс жасағаны үшін кінәсін мойындады. «Бүгінгі күні тергеу аяқталып, қылмыстық іс айыптау актісін бекіту және одан әрі сотқа беру мақсатында заңдылықты тексеруді жүзеге асыру үшін қадағалау ведомствосына ұсынылды» — делінген ҚР ҚМ Қаржы мониторингі комитеті баспасөз қызметінің деректерінде.

https://youtu.be/-Z0DEdFlvSw