Қарағандыда үшем дүниеге келді

06 ақпан 2019, 17:12

Дәрігерлердің айтуынша, нәрестелердің анасы Ботагөз жүктілігінің 10-шы аптасынан бастап бақылауға алынған. Уақытынан бұрын дүние есігін ашқан Аяла, Айым мен Сезімнің денсаулықтары жақсы дейді дәрігерлер.

Босану уақытында туындаған қиындықтардан кейін екі қыз бала патология бөліміне ауыстырылып, үшіншісі жансақтау бөліміне жіберілді. Дәрігерлер үшеммен анасын үйлеріне екі аптадан кейін қайтаруды жоспарлап отыр. Ботагөз Жәнібекова, үшемнің анасы: — Өзімнің қуанышымның шегі жоқ. Дәрігерлердің көмегімен ауыр жағдайдан өттік. Қазір үш балам қасымда, дәрігерлердің қарауындамыз әлі.

24.kz