Қарағанды тұрғыны туған немересін бауыздап өлтірген

Қарағанды облысында туған немересін бауыздап өлтірген азаматқа қатысты сот процесі басталды. 39 жастағы Виталий Таговский жиенін пышақтап тастағанын тергеу басталғаннан-ақ мойындаған. Бұл туралы КТК телеарнасы хабарлады. 

Бірақ сол күні араққа әбден тойып алғандықтан, оқиғаның қалай болғанын білмейді. Тек бірге үш шиша арақты тауысқан әйелін үйден қуып жібергені есінде. Түсінде шошқа сойып жақтанын да айтқан. Қойнында қызыл қанға бөккен бұлдіршінді таңертең ғана көріпті. Естеріңізге салсақ, биыл 2-ші қазанда Шет ауданының Дербісәлі ауылындағы Таговскийлердің үйінде үш жасар Артемнің өлі денесі табылған еді. Бүлдіршін бірнеше жерінен пышақ жарақатын алып бауыздалған. Қылмысқа күдікті нағашы атасы із суытқанымен, бір аптадан соң қолға түсті. Қылмысын толық мойнына алғандықтан сот шешімі жақын күндері шығуы мүмкін.