Қарағанды облысында 67 заңсыз ойынхана анықталды

Қарағанды өңірінде «көлеңкелі бизнестің» жолы кесілді. Мамандар облыстың бірнеше қаласында заңсыз жұмыс істеп келген 67 ойынхананы анықтап, 200 ойын автоматын тәркілеген, деп хабарлайды «Хабар 24».

Сондай-ақ жалған ақша жасап келген қылмыстық топты да ұстады.

Данияр Ақжанов, облыс бойынша экономикалық тергеу департаментінің басшысы:

— Қылмыскерлер Қазақстан валютасы ғана емес, доллар мен еуроны да қолдан жасаған. Жалған ақшаның барлығы елімізден тыс жерде дайындалғаны анықталды. Өте сапалы жасалған, түпнұсқадан айыру қиын. Жуырда үш бірдей қылмыстық іс сотқа жіберіледі.