jasqazaq.kz

«Қарадала» халық театры көрерменімен қауышты

03 қараша 2020, 13:10

    Қараша айының 2- күні  Б.Римова атындағы Талдықорған драма театрында Ұйғыр ауданында шымылдығын ашқан «Қарадала» халық театры өнер сүйер қауыммен қауышты.  Өнер иелері А.Құнанбаев поэмасының желісімен сахналанған «Ескендір» қойылымын көпшілікке ұсынды. Театр төрінде премьераға арналған пресс-конференция өтті. Іс-шараға ҚР Халық әртісі Тұңғышбай Жаманқұлов, ҚР еңбек сіңірген қайраткері Бекжан Тұрыс, сондай-ақ Алматы облысы мәслихатының депутаты — Ызғарбек Бектұрсынов, қоюшы-режиссер — Асқар Наймантаев және аудан әкімінің орынбасары Қадыржан Исаханов қатысты. Модератор – Алматы облысы мәдениет, архивтер және құжаттама басқармасының басшысы  Мәрлен Қапашұлы қатысты.

«Ескендір» — Абайдың гуманистік көзқарасын тереңірек танытатын елеулі сюжетті туындысы. Шығарма Шығыста Ескендір Зұлқарнайын деген атпен белгілі, Еуропада Александр Македонский аталатын ежелгі грек қолбасшысының өмірі жайындағы аңызға құрылған. Автор Ескендірдің өмірбаяндық деректерін дәл келтіреді де, оның дүние жүзін жаулап алмақ болған шапқыншылық саясатын сынауға ауысады. Пьесада жауыздыққа жетелейтін тойымсыздық екенін көрсете келіп, әділдік, даналықты соған қарсы қояды.

Шығарманың авторы – Абай Құнанбайұлы. Спектакльдің қоюшы-режиссері – Асқар Наймантаев.

«ҚАРАДАЛА» ХАЛЫҚ ТЕАТРЫ.

Нарынқолда өткен бір жиында бұрынғы жылдары Райымбек ауданының әкімі болған, қазір Ұйғыр ауданының тұрғына, ел ағасы, қадірлі ақсақал, Алматы облысы мәслихатының  депутаты Ызғарбек Бектұрсынов аға Асқар Наймантаевтың Нарынқолда «Хантәңірі халық театрын» қайта ашып жатқанын естіп, «Қарадала өңірінде де осындай өнер ошағы ашылса, соған жөн сілтеп, жол көрсетіп жіберші?»-деп Асқар Наймантаев пен белгілі продюсер Едіге Қожахметті Шонжыға шақырады. Аудан әкімінің орынбасары Қадыржан Исаханов, аудандық мәслихаттың төрағасы Нұрәкім Есжанов,  Мәдениет үйінің директоры Салтанат Ермұхаметова, өнер жанашырлары Жәннет Керімқұлов, Қанат Сартоловтар қатысқан ақылдасу жиыны Асқар Наймантаевтың осы театрды ашу үшін алғашқы қойылымды қоюға келісім беруімен аяқталады.

Сол күннен бастап Ызғарбек ақсақал «Қарадала халық театры» — деп ат қойған театр дайындық жұмыстарын бастап, Абай Құнанбаевтың «Ескендір» поэмасын сахналау жұмысы басталып кетеді. Оған «Жазерке» және «Арзу» ұйғыр ансамбльдерінің өнерпаздары қатысып жатыр. Сахналық нұсқасын жасап, режиссерлық жасаушы Асқар Наймантаев. Сахна сайысын қоюшы Ернар Бейсенбек, көзге көрінбей-ақ көлемді жұмыстар атқарып, «Хантәңірі», «Қарадала» театрларының ашылуына көмек жасап, ұйымдастру жұмыстарына белсене араласып жүрген Едіге Қожахмет.

jasqazaq.kz

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия