Қапшағайда ауыр жол апаты болды

08 желтоқсан 2021, 16:10

Toyota Caldina жолаушысы оқиға орнында қаза тапты.

7 желтоқсанда түнде Қапшағай қаласында жол-көлік оқиғасы орын алды, деп хабарлайды Zakon.kz.

27 жастағы Mercedes-Benz 814 жүк көлігінің жүргізушісі солтүстік бағытта келе жатып, бағдаршамның жанында тұрған Toyota Caldina автокөлігін соққан. Соққы нәтижесінде жеңіл автокөлік инерциямен алдында тұрған Mercedes-Benz автоэвакуаторына соғылды.

Алматы облысы ПД баспасөз қызметі

Toyota Caldina жолаушысы оқиға орнында қаза тапты. Қос көліктің жүргізушісі де зардап шегіп, ауруханаға жеткізілді. Қазіргі уақытта сараптама тағайындалды. Сотқа дейінгі тергеу амалдары жүріп жатыр.