Қайтыс болған адам Жетісай ауданының тұрғыны болып шықты

#үйдеотыр

Түркістан облысында 7 адамнан коронавирус анықталды. Бұл туралы coronavirus2020.kz хабарлады. Сайт таратқан мәліметтерге қарағанда, Жетісай ауданында — 11, Кентау қаласында — 2, Арыс қаласы — 1, Ордабасы, Сарыағаш — 1, Мақтаарал — 4, Сайрам ауданында – 2 адамнан вирус анықталды. Осылайша өңірде қауіпті вирус жұқтырғандар саны 23 адамды құрап отыр. Олар осыған дейін COVID-19 жұқтырған науқастармен байланыста болған. Аталған азаматтармен байланыста болғандарды анықтап, оқшаулау жұмыстары жүргізілуде. Осыған дейін 1 адамның өлімі тіркелгендігі хабарланды. Ол — Жетісай ауданының 1956 жылғы тұрғыны болып шықты.