Қайрат Нұртастың жұбайы елдің мазалап жүрген сұрақтарына жауап берді

Қайрат Нұртастың жұбайы Жұлдыз Әбдукәрімова Instagram парақшасында елдің барлығын мазалап жүрген сұраққа жауап берді. Жұлдыз осы уақыт бойы күйеуінің көлеңкесінде жүріп, қалай шыдап келгенін түсіндіріп берді, –  деп хабарлайды NUR.KZ.
Жұлдыздың айтуынша, оның тағдырына өкпелеп отыруға уақыты да болмаған.

«Тұрмысқа шыққаннан кейінгі өмірдің бір артықшылығы — өміріңде белгілі бір тәртіптің орнауы.

Іші пысып, немен айналысарын білмей жүрген әйелдер күйеуінің жұмысына қоңырау шалып, маза таптырмайды. Олар күйеуінің бойындағы кем-кетіктерді жіпке тізбелеп, оны жөндеуге тырысады. Себебі олардың өз-өзіне көңілі толмайды, олардың бос уақыты да көп.

Өзіңді дамытып, достарыңмен араласып, киноға, түрлі кешкі курстарға барып, қайырымдылықпен айналысар болсаңыз, күйеуіңіздің де мазасын алмайсыз», — деп жазды ол.

10 қазан күні Қайрат Нұртас алғаш рет өзінің әйелін елге таныстырып, бұдан былай Жұлдызды елден жасырмайтынын мәлімдеген.