Қайрат Нұртас өзін қарақалпақ деп айтқан адамға жауап берді

31 қазан 2017, 15:24

Есімін жасырып қалған тыңдарман Қайрат Нұртасты Қарақалпақстаннан келген “тексіз” деп айыптады. Гәкку арнасының Follow wars бағдарламасында Қайрат дөрекі сөз жазған тыңдарманға жауап берді, деп хабарлайды Stan.kz.

“Руым – Жауғашты, Қоңыратпын. Түркістан қаласында 1989 жылы дүниеге келгем. Ешқандай да қарақалпақтарға қатысым жоқ, ағайын. Бірақ қарақалпақ та адам. Жаман ел болмайды, жаман адам болады, бауырым. Сондықтан сіз олай қатты дөрекі сөйлемеңіз. Құдай бар, мен қарақалпақ емеспін. Мен таза қазақпын немесе кәріспін”, – деп сөзін қалжыңмен аяқтады Қайрат.

Өз кезегінде желідегілер “тексіз” деп дөрекілік танытқан оқырманды жауапқа тарту қажеттігін атап өтті.