Кеңсе тауарлары қымбаттады

Бәріне ортақ журналистика

Jas qazaq газеті мен Chevron компаниясының бірлескен жобасы

Жобаның мақсаты – ерекше жандарды журналистика жанрларын меңгеріп, сауатты жазуға бейімдеу. Қазір журналистикаға құмар жандар компьютерлік сауаттылық, мерзімді баспасөз және тележурналистика бойынша дәріс алып, тәжірибесін шыңдап жатыр. Назарларыңызға курс қатысушысы Гүлхая Жуашбаеваның ресми мәліметтерден дайындаған ақпаратын ұсынамыз.

Биыл кеңсе тауарлары күрт қымбаттады. Былтырмен салыстырғанда дәптер мен түрлі түсті қарындаштың бағасы 12 процентке артты, деп хабарлайды «Хабар 24» арнасы.
Қалам 13,2, ал сурет альбомдарының құны шамамен 14 процентке өскен.

Сатушы компания өкілдерінің айтуынша, бағаның шарықтауына инфляциялық процестермен қатар валюта бағамындағы өзгерістер мен тасымалдау құны тікелей әсер етті.
• Дәптер 12%
• Түрлі түсті қарындаштар 12,1%
• Қалам 13,2%
• Сурет альбомы 14,1%

Гүлхая Жуашбаева