Келіншек баспана үшін бала туып беруге бел байлаған

Қарағандылық 30 жасар келіншек Instagram-да баспана үшін суррагат ана болуға дайын екенін айтып, телефон нөмірін қалдырған жазба жариялап, Желіні дүр сілкінтті.

«Менің балам бар. Тұрмыста болмағанмын. Ондай жоспарым да жоқ. 250 мың ақша табам. Өзім мен баламды асырай алам. Алайда баспанамыз жоқ. Аздап үй алуға ақша жинап жатырмын. Бірақ, шыдамым жетер емес. Үй алсақ, сіңлім екеумізге жақсы болар еді. Оның күйеуі апатқа ұшырады. Жағдайы қиын», – деп баяндады келіншек өз басындағы жағдайды.

Жазбаны оқыған Желі қолданушыларының пікірі қақ жарылды. Бірі мұның мүлдем шектен асқан сорақылық екенін айтып, жастарды жерден алып, жерге салса, екіншісі оның жағдайын жақсы түсінетінін, мынадай заманда баспана мәселесі тез шешімін таппайтындықтан осындай қадамға барып отырғанын айтып, келіншекті жақтап әрі ақтап алуда.

reactor.inform.kz