jasqazaq.kz

Кейуананың тамағына тіс протезі тұрып қалған

13 қараша 2019, 16:21

Алматыда дәрігерлер тіс протезі тамағына кетіп қалған 82 жастағы кейуананы аман алып қалды.

«Мен ана дүниеден қайттым!» — деді 82 жастағы зейнеткер Роза Халиуллина өңешіне жасалған отадан соң. Оның айтуынша, таңғы ас ішіп отырғанда тіс протезінің бір бөлігі сынып кеткен. Өңешке жеткенде үшкір қырлары тамағын жыртып, демалысын қиындата түскен. Жағдайы нашарлаған зейнеткер жедел жәрдем шақырған. Бірден консилиум жинаған дәрігерлер зейнеткерге Шұғыл медициналық көмек көрсету орталығында ота жасады. Диагностика кезінде үшбұрышты протез бөлігі өңешті жыртып кеткені анықталды. «Өңештің жыртылуы жылына 1-2 рет сирек кездесетін оқиға. Адам балық немесе тауықтың сүйегін жұтып қойғанда кездеседі. Бұл бөгде заттар өңештің тарылған тұсында тұрып қалады да жырта береді. Бұл өте қауіпті диагноз. Адам кешігіп келетін болса, 45-60 пайызға дейін жағдайда өліп кетуі ықтимал. Себебі, инфекция бірден жұмсақ тінге өтіп, ауыр интоксикацияға әкелуі мүмкін», — деді емхананың бас дәрігерінің орынбасары Оңласын Ибекенов. Дәрігерлер зейнеткердің мойын тұсынан екі жағынан медиастенотомия жасады, жарақаттың орнын тазалап, жұқпаның денеге таралуына тоқсауыл қойды. Зейнеткер 3 тәулік жансақтау бөлімінде жатты. 10 тәулік бойы қария мұрын арқылы зондпен қоректеніп жүрген. «Тамақ ішіп отырған кезімде шашалып қалдым. Сосын тұншыға бастадым. Қызым жедел жәрдем шақырды. Жедел жәрдем тез келді. Барлығы жабылып мені ана дүниеден қайтарып алды. Өзім 50 жылдан аса медбике болып қызмет істегенмін. Ақ халатты абзал жандарға ризамын», — деді зейнеткер.

Дереккөз: ҚазАқпарат

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда