Каталониядағы референдум кезінде 460-қа жуық адам зардап шекті

1 қазан, жексенбі күні Испанияның Каталония автономды облысында тәуелсіздік алу жөніндегі референдум кезінде 460-қа жуық адам зардап шекті.

Бұл туралы Барселона мэрі Ада Колау мәлім етті. «Осы уақытта Каталонияда 460-қа жуық адам зардап шекті. Барселона мэрі ретінде полицияның қорғансыз халыққа қарсы іс-әрекеттерін тоқтатуды талап етемін», — деп жазды ол Twitter-дегі парақшасына. Айта кетейік, жексенбі күні Каталонияда облыстың Испания құрамынан шығуына қатысты жалпыхалықтық дауыс беру басталды. Мадрид бұл референдумды заңсыз деп санайды. Қазіргі уақытта барлық өңір бойынша құқыққорғауоргандары плебисциттің өтуін тоқтатуға тырысуда. Олар сайлау учаскелерін жауып, жәшіктер мен бюллетеньдерді тәркілеп жатыр.

ҚазАқпарат