Кәмелетке толмаған қызды зорламақ болған ер адам ұсталды (видео)

07 тамыз 2020, 9:37

Атырауда ер адам кәмелетке толмаған қызды зорламақ болды. Бұл туралы облыстық полиция департаментіне сілтеме жасап Tengrinews.kz хабарлады.

Полиция мәліметінше, оқыс оқиға 6 тамызда шамамен кешкі сағат 19:45-те Көктем шағын ауданындағы азық-түлік дүкенінің маңында болған. Күдікті мас болған.

«Оқиға орнына полиция қызметкерлері шұғыл жетті. Күдікті ұсталып, уақытша тергеу изоляторына қамалды. ҚР Қылмыстық кодексінің 121-бабы бойынша сотқа дейінгі тергеу жүргізіліп жатыр», — делінген Атырау облысы полиция департаментінің баспасөз қызметі.

«Ақ Жайық» басылымының мәліметінше, ер адам қыздың қолынан ұстап, алып кетпекші болған. Алайда жергілікті тұрғындар мұны байқап, одан қызды тартып алған. Кейін олар полиция шақырған.