Ішімдікке тойып алып ұшақта шу шығарды

Ұшақ бортында ішіп алып шу шығарған Қазақстан азаматына қатысты қылмыстық іс қозғалды.

ҚазАқпарат хабарлағандай,  «РФ Тергеу комитетінің Уральск тергеу басқармасы қызметкерлері ұшақ бортында ішіп алып шу шығарған Қазақстан азаматына қатысты қылмыстық іс қозғады. Ол РФ Қылмыстық кодексінің «Бұзақылық» бабы бойынша тергеуге алынды», — деп жазылған басқарма сайтында. Ведомство ақпаратына сәйкес, ұшақта шу шығарған қазақстандық азамат 19-20 ақпанда Екатеринбург-Пхукет бағытында AZUR air әуекомпаниясының ұшақ бортында бәйәдеп сөздер айтып, бортсеріктер мен экипаж мүшелерінің ескертуін құлағына да ілмеген.