Иран ШЫҰ-ға толық мүше болу туралы меморандумға қол қойды

Иран Сыртқы істер министрі Хосейн Амир Абдоллахиан мен Шанхай ынтымақтастық ұйымының бас хатшысы Чжан Мин Иранға ШЫҰ-ға толыққанды мүшелік беру жайлы өзара түсіністік туралы меморандумға қол қойды, деп хабарлайды Zakon.kz.

Иран Сыртқы істер министрі атап өткендей, құжатқа 14 қыркүйекте Самарқанда қол қойылған.

Иран Сыртқы істер министрі Хосейн Амир Абдоллахиан:

Біз әртүрлі экономикалық, сауда, транзиттік және энергетикалық ынтымақтастықтың жаңа кезеңіне аяқ бастық. Ұйымның Бас хатшысы Иранның тұрақты қосылуы және құжатқа қол қоюымен құттықтап, оны маңызды оқиға деп атады.

Иран Сыртқы істер министрі меморандумға қол қойғаннан кейін кеше Иран Ислам Республикасының ШЫҰ-ға мүшелігінің аяқталуына қатысты барлық құжаттың Министрлер кабинетінде бекітіліп, Мәжілістің қарауына және құқықтық процедураларға жіберілгенін айтты.

Шанхай ынтымақтастық ұйымы бас хатшысының айтуынша, Иранның ШЫҰ-ға кіруі ұйымды нығайтып, ілгерілетеді.

15-16 қыркүйекте Самарқанда Өзбекстан президенті Шавкат Мирзиеевтің төрағалығымен Шанхай ынтымақтастық ұйымының саммиті өтеді.