Інісінің құжатымен ұсталды

Бүгін, түнгі сағат екі шамасында «Ақтөбе-Орал» бағытындағы № 613 жолаушылар пойызын тексерген шекарашылар 1974 жылы туған Қазақстан азаматының төлқұжатын ұсынған адамды ұстады. Бұл туралы  ҚР ҰҚК ШҚ баспасөз қызметіне сілтеме жасап ҚазАқпарат хабарлайды.

Себеп – жолаушының түрі төлқұжаттағы фотосуретке ұқсағанымен 46-ға толмаған ер адам үшін тым егде көрінген еді. Қырағылық өз жемісін берді, күдік дәлелденді. Әрі қарайғы тексеру 45 жастағы Русланның төлқұжатымен сапарға шыққан оның туған ағасы, 59 жастағы Үсен екендігін анықтап берді. Істі Мәртөк ауданы бойынша құқық қорғау органдары қарастыратын болады.