«Халықтық ІРО» деп алдайды

Ел ішінде жұртты алаяқтық жолмен түрлі инвестициялық бағдарламаларға, оның ішінде «Халықтық IPO» бағдарламасы бойынша тарту жағдайлары жиіледі. Бұл туралы бас прокурор Берік Асыловтың Мәжіліс депутаттарының сауалына берген жауабында жазылған.

2022 жылы осындай 742 іс тіркелді. Оның ішінде 93 адам «ҚазМұнайГаз» компаниясы мен «Халық банк» атынан ұсынылған түрлі компанияларға инвестиция салған. Ал қалған жәбірленушілер «Еңбек инвест», Kazminerals, ЕForex Freedom жəне тағы басқа компаниялардың атынан ұсынылған жарнамаға алданған.

«Мониторинг барысында ІІМ Мемлекет басшысының есімін пайдаланған 70 жарнаманы анықтады. Олар кейін қазақстандық пайдаланушылардың қол жеткізуіне тосқауыл қою үшін ақпарат жəне қоғамдық даму министрлігінің «Кибернадзор» АЖ-ға енгізілді. Сотқа дейінгі тергеп-тексеру басталды», – деп жазылған бас прокурордың жауабында.

JQ-Aqparat