Хабиб UFC чемпионы атағын қорғап қалды

08 қыркүйек 2019, 10:34

Ресейлік аралас жекпе-жектің спортшысы Хабиб Нұрмагомедов Абу-Дабиде UFC 242 турнирінде әлем чемпионы атағы үшін титулдық кездесуде америкалық Дастин Порьені жеңді.

Бес раундқа есептелген жеңіл салмақтағы UFC чемпионы мен ұйымның уақытша чемпионы арасындағы жекпе-жек үш раундқа ғана созылды. Алғашқы екі раундта дағыстандық спортшы партердегі қарсыласын бақылаумен айналысты. Бірақ шыны керек, екінші раундтың басында Хабиб өзіне бірнеше жойқын соққылар жіберіп алды. Десе де тез өзіне келіп, қарсыласынан басым болуға тырысты. Үшінші раундта Нұрмагомедов артынан тұншықтыру әдісін қолданып, нәтижесінде Порье берілді.

Tengrinews.kz