Хабиб Нурмагомедов пен Конор Макгрегор спорттан шеттетілді

30 қантар 2019, 10:59

Ресейлік UFC чемпионы Хабиб Нурмагомедовке және ирландық UFC шебері Конор Макгрегорге жекпе-жектен кейін жаппай төбелеске қатысқандары үшін жазалау шаралары енгізілді. Бұл туралы Sports.kz сайты хабарлады.

Атап айтқанда, Невада штатының спорт комиссиясы (NSAC) Нурмагомедовты тоғыз айға спорттан шеттетті. Сондай-ақ ол 500 мың доллар көлемінде айыппұл төлейтін болды. Хабиб буллингке қарсы (оқу орындарындағы жәбірлеу, қудалау) әлеуметтік іс-шараларға қатысатын болса, оның шеттетілу мерзімі алты айға дейін қысқаруы мүмкін. Ал Макгрегор тоғыз ай жекпе-жектерге қатыса алмайды. Сондай-ақ, Конорға 50 мың доллар көлемінде айыппұл салынды. Спорттан шеттетілу мерзімі айқас өткен күннен — 6 қазаннан бастап есептеледі.