jasqazaq.kz

Грузияда парламент ғимаратына шабуыл жасады

21 маусым 2019, 10:06


Тбилиси полициясы Грузия парламентінің алдына жиналған көтерілісшілерді тарату үшін резеңке оқ пен көзді жасаурататын газ қолданды.

«ҚазАқпарат»  жазғандай, жаппай наразылық бейсенбі күні, 20 маусымда Ресей делегациясының Православие парламентаралық Бас ассамблеясына қатысуына байланысты басталды. Делегацияны басқарушы және АСМ басшысы РФ мемлекеттік думасының депутаты Сергей Гавриловтың сессия кезінде Грузия парламенті спикерінің креслосына отырып, жиналғандарға орыс тілінде сөйлегені оппозицияның наразылығын тудырған. Грузияның оппозициялық депутаттары мұны қорлау деп бағалап наразылықтарын білдіріп, Бас ассамблеяның жұмысын тоқтатты. Еuronews мәліметінше, шерушілер Грузия ІІМ басшысы Георгий Гахария мен спикер Ираклий Кобахидзенің отставкаға кетуін, сондай-ақ кезектен тыс парламент сайлауы өткізілуін талап етіп, парламент ғимаратына бірнеше рет шабуыл жасаған. Грузия Ішкі істер министрі Георгий Гахария шерушілерді полицияға бағынуға шақырды, деп хабарлайды ТАСС. «Мен ең алдымен алаңда тұрған әр азаматты, мүмкін олар әділетті наразылық білдіріп тұрған болар, полиция талаптарына бағынуға шақырамын. Мұнда болып жатқанның барлығы мемлекеттік институттарға шабуыл саналады», — деді ол бейсенбі күні журналистерге берген сұхбатында. Наразылыққа шыққандарға қарсы көзді жасаурататын газ бен резеңке оқтар қолданылды. Грузия баспасөзі бірнеше адамның ауыр жарақат алғанын хабарлады. Грузия Денсаулық сақтау министрлігінің мәліметінше, барлығы 52 адам зардап шеккен, олардың 38-і — полиция қызметкерлері. Кешкісін С.Гаврилов және басқа да Мемлекеттік думаның депутаттары Тбилисиден ұшып кетті.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда