jasqazaq.kz

Головкин қарсылассыз қалды

31 шiлде 2019, 12:29

Бокстан орта салмақта әлем чемпионы болған Геннадий Головкин (39-1-1, 35 КО) қыркүйекте өтетін бокс кешіне қарсылассыз қалған секілді, — деп хабарлайды Vesti.kz.

Басында GGG 14 қыркүйекте Сауль «Канело» Альвареспен (52-1-2, 35 КО) үшінші кездесу өткізбекші болған, алайда мексикалық боксшы бұл ұсынысты қабылдамай, кездесуді жыл соңына шегеруді ұсынды.

Осыдан кейін, Головкин тағы бір мексикалық боксшы — бірінші орта салмақта WBO тұжырымы бойынша әлем чемпионы Хайме Мунгиямен (33-0, 26 КО) келіссөздер жүргізіп жатқаны айтылды. Мексикалық боксшы жаңа салмаққа өтуге дайын екенін жеткізген.

Сонымен қатар, Альварестің промоутерлері (Golden Boy Promotions) Головкинге 14 қыркүйекті бергісі жоқ, өйткені ол күні Мексиканың Тәуелсіздік күні аталып өтіледі. GBP осы күні бокс кешін ұйымдастырып, бокс кешінің басты кездесуінде Мунгияны америкалық Джесси Варгасқа (29-2-2, 11 KO) қарсы қоймақ.

Варгас болса Мунгиямен келіссөздер жүріп жатқанын растады. Алайда бүге-шігесіне дейін айтудан бас тартты.

Головкин мен Альварес арасында үшінші кездесу өткізу туралы келіссөздер тығырыққа тірелген. Қазақстандық боксшы кездесуді Лас-Вегаста өткізуден бас тартқан.

Альварес үшінші кездесуге қатты қызығып отырмағаны да айтылады. Ол қазақстандық боксшының соның арқасында ақша тапқанын қаламайтынын айтқан.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда