Голландтар дәретхана қағазынан жол салды

20 қазан 2017, 12:37

Голландияның CirTec және KNN Cellulose компаниялары пайдаланылған дәретхана қағазын кәдеге жаратудың жолын тапты. Бұл туралы reactor.inform.kz хабарлады.

Олар қалдық қағаздарды өңдеп, жол құрылысын салуға жарайтын материал жасап шығармақ. Тіпті пайдаланылған дәретхана қағазынан жасалған материалды велосипед жолын салуға да қолданып көрген. Бұл жол бір жыл бұрын салынған және оны басқа жолдардан ажырату мүмкін емес.

CirTec компаниясы пайдаланылған дәретхана қағазынан целлюлоза алатын алғашқы қондырғыны ашқан. (Голландия жыл сайын 180 000 дәретхана қағазын пайдаланады). Аталмыш қондырғының көмегімен компания жыл сайын 400 келі целлюлоза алады.