GGG-ден туға қолтаңба қалдыруды сұраған бойжеткен: Алты сағат кезекте тұрдық

Геннадий Головкиннен туға қолтаңба беруді сұраған қыздың кім екені анықталды. Today.kz сайты хабарлағандай ол Сағида Айтхожина. Бойжеткен боксшыға бала кезінен жанкүйер екенін айтты.
Ол сайт тілшісіне берген сұхбатында «GGG-ға бала кезімнен жанкүйермін. Бұл – сөзбен жеткізе алмайтын сезім. Анам мен достарым бар, осы баспасөз мәслихатына келу үшін сабақтан қалдық. Алты сағат кезекте тұрдық. Ол жаққа 12:30-дар шамасында келіп едік, олар тек 15:30-да ашылды. Біз бар пәрменімізбен кезекке тұру үшін жүгіріп бардық», – дейді.
Бойжеткен Геннадийді тірідей көрген кезде жылап жібергенін жасырмады. Ол қазақстандық пен «Канелоның» жекпе-жегіне кіру үшін бар күшін жұмсайтынын айтты.
«Анам билет ала алмасақ та баратынымызды айтты. Бұл ұлы жекпе-жек қой. Оскар де Ла Хойя бұндай жекпе-жектің жақын 20 жылда болмайтынын айтты. Сондықтан Генамызға жанкүйер болуға міндеттіміз. #Генанупожалуйста біздің ұранымызға айналды», – дейді жанкүйер.
Естеріңізге салайық, Геннадий Головкин мен Сауль Альварестің жекпе-жегінің қарсаңында өткен баспасөз мәслихатында GGG-ден туға қолтаңба қалдыруды сұраған Сағида Айтхожина желіні шулатқан еді.
GGG мен «Канело» арасындағы екінші жекпе-жек 5 мамырда Лас-Вегастағы T-Mobile аренасында өтеді.