jasqazaq.kz

Германия билігі Навальныйдың неден уланғанын айтты

03 қыркүйек 2020, 10:11

Германияның қарулы күштерінің арнайы зертханасы Алексей Навальныйдың сынамаларына токсикологиялық талдау жүргізді. Нәтижесінде «Новичок» тобындағы химиялық заттың қалдықтары табылған, — деп хабарлайды DW.

Германия үкіметінің ресми өкілі Штеффен Зайберттің сөзінше, сарапшылардың шешімі күмән тудырмайды.

Зайберт Берлин ресми түрде Ресей билігінің бұған қатысты пікір білдіруіне шақырған. Оның айтуынша, Германия Еуроодақ пен НАТО-ға Навальныйдың сараптамасының нәтижесін көрсетіп, олармен «бірлескен реакцияны» талқылайды.

Бұған дейін жағдайды Германия канцлері Ангела Меркель, елдің сыртқы істер министрі Хацко Мас, ішкі істер министрі Хорст Зеехофер, әділет және тұтынушылардың құқықтарын қорғау министрі Кристина Ламбрехт, қорғаныс министрі Аннегрет Крамп-Карренбауэр, қажы министрі Олаф Шольц, сондай-ақ федералды канцлер бөлімінің басшысы Хельге Браун талқылаған.

«360» телеарнасының мәліметінше, Шарите клиникасының баспасөз қызметі Навальный әлі де жасанды тыныс алу аппаратында жатқанын, уланудың симптомдары біртіндеп азая бастағанын хабарлаған.

Еске салайық, саясаткердің баспасөз хатшысы Кира Ярмыштың айтуынша, 20 тамызда Навальный Томскіден Мәскеуге ұшып бара жатқанда денсаулығы сыр берген. Кейін әуе кемесі Омбыға шұғыл қонып, оппозиция өкілі жедел жәрдеммен ауруханаға жеткізілген. Ол ес-түссіз ауруханаға түсті, қазір жасанды тыныс алдыру аппаратына қосылған, жансақтау бөлімінде жатыр.

Ярмыш белгісіз біреулер саясаткердің шайына у қосқан болуы мүмкін деген болжам жасады. «Таңертең шай ғана ішкен. Дәрігерлер улы зат ыстық сұйықтық арқылы тез сіңетінін айтты», — деді ол.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия