
Талдықорған қаласындағы Назарбаев Зияткерлік мектебінің 12-сынып оқушысы Сезім Ертаңатов АҚШтағы ең үздік оқу орындарының бірі — Гарвард университетінің грантына ие болды.
Назарбаев Зияткерлік мектебінің баспасөз қызметі хабарлағандай, ол аталған оқу орнының компьютерлік ғылымдар факультетінде
білім алғалы отыр.
Дарабоз оқушы:
«Мен математика мен компьютерлік бағдармаға қатты қызығамын. Сондай-ақ түрлі веб-сайттарды жасағанды, деректі фильмдер түсіргенді және өңдегенді ұнатамын», – дейді.
Тамыз айында мұхиттың арғы жағына аттанғалы отырған жас өрен келешекте еліне оралып, тың жобаларды жүзеге асыруды мақсат етіп отыр.
Айдос Құсайынұлы