Ғалымдар коронавирустың тағы бір құпия тұсын тапты

АҚШ-тағы Техас университетінің ғалымдары коронавирусты зерттеу барысында тағы бір тың дерекке қол жеткізді, деп хабарлайды «Хабар 24».

Мамандар жұқпалы дерттің адам ағзасындағы жасушаларға енуіне негіз болатын басты ферментін тапты. NSP-16 (Эн-Эс-Пи-16) деп аталған ақуыз денедегі жасушалардың ағзаға түскен коронавирусты бөтен деп танып, онымен күресуіне мүмкіндік бермейді екен. Осылайша вирустың адам ағзасына тез еніп, көбеюіне жол ашатын көрінеді. Ғалымдар бұл келешекте жұқпалы дертке қарсы жаңа дәрілерді жасап шығаруға көмектеседі деп отыр.