Футболдан UEFA Чемпиондар лигасы: Ағылшын командалары қарсыластарынан басым түсті

Футболдан UEFA Чемпиондар лигасы 1/4 финалында Англияның «Ливерпуль» командасы Португалияда «Бенфикадан» басым түсті, деп хабарлайды ҚазАқпарат.

Екі команда арасындағы кездесуде ағылшындар жинақы қимыл көрсетті. Нәтижесінде олардың қатарынан Мохамед Конате 17, Садио Мане 34, Луис Диас 87-минуттарда мергендік танытты.

Оған алаң иелерінен Дарвин Нуньес 49-минутта жалғыз голмен жауап қайырды. Сондай-ақ, Англияның «Манчестер Сити» командасы өз алаңында Испанияның «Атлетико Мадрид» клубын 1:0 есебімен сүріндірді. Ойын тағдырын шешкен жалғыз голды Кевин Де Брёйне 70-минутта өзінің еншісіне жазды. Енді бүгін, 6 сәуірде «Челси» (Англия) пен «Реал Мадрид» (Испания), «Вильрреал» (Испания) және «Бавария» (Германия) жасыл алаңға шығады. Ойындар «Qazaqstan» және «Qazsport» телеарналарынан тікелей эфирде көрсетіледі. Қарымта кездесу13 сәуірге белгіленген.