jasqazaq.kz

Футболдан Еуропа лигасы: «Манчестер Юнайтед» пен «Интер» жарысты жалғастырады

06 тамыз 2020, 8:21

UEFA Еуропа лигасы ширек финалына жолдама алған төрт команда анықталды.

Естеріңізге сала кетелік, бүгін Еуропа лигасы 1/8 финалының төрт ойыны өткізілді. Бұған дейін Украинаның «Шахтер Донецк» және Данияның «Копенгаген» командалары ширек финалға жолдама алғанын хабарлаған едік.

Олардың қатарына Англияның «Манчестер Юнайтед» пен «Интер» командалары да қосылды.

Ағылшын клубы бүгін өз алаңында Австрияның ЛАСК командасын қабылдады. Кездесуде олар қарсыласын 2:1 есебімен жеңді. Екі команда арасындағы алғашқы ойында «Манчестер Юнайтед» 5:0 есебімен басым түскен болатын. Осылайша ағылшын командасы ширек финалға шықты.

Тағы бір кездесу Италияның «Интер» және Испанияның «Хетафе» командалары арасында өткізілді.

Естеріңізге сала кетелік, коронавирус індеті салдарынан олардың арасындағы алғашқы кездесу болған жоқ. Сондықтан ширек финалға берілетін жолдама небәрі бір ойынның ғана нәтижесі бойынша анықталды. Кездесу бейтарап алаңда, Германияның Гельзенхирхен қаласында болды. Ойында «Интер» қарсыласынан 2:0 есебімен басым түсті.

Еуропа лигасы ойындары 6 тамызда жалғасады. Бұл күні «Севилья» (Испания) және «Рома» (Италия), «Байер» (Германия) және «Глазго Рейнджерс» (Шотландия), «Вулвергемптон Уондерерс» (Англия) және «Олимпиакос Пирей» (Грекия), «Базель» (Швейцария) және «Айнтрахт Франкфурт» (Германия) командалары шеберлік байқасады.

Жарыстың ширек және жартылай финал ойындары Германияның Гельзенкирхен, Дуйсбург, Дюссельдорф, Кёльн қалаларында өтеді. Ал финал 21 тамызда Кёльн қаласындағы «Рейн Энерги» стадионында болады.

ҚазАқпарат

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия