Футболдан Чемпиондар лигасы: «Манчестер Юнайтед» «Аталантамен» тең түсті

Футболдан UEFA Чемпиондар лигасы топтық кезеңінің төртінші турындағы алғашқы ойын күні өтті, деп хабарлайды ҚазАқпарат.

Бұл күні F тобындағы Англияның «Манчестер Юнайтед» клубы сырт алаңда Италияның «Аталантасымен» 2:2 есебімен тең түсті. Ойын барысында италиялық клубтан Йосип Иличич 12, Дуван Сапата 56-минутта соққан екі голына ағылшындық команда сапынан Криштиану Роналду 45, 90-минутта қос голмен жауап қайырды. Аталған топта «Вильярреал» (Испания) клубы «Янг Бойз» (Швейцария) командасын 2:0 есебімен тізе бүктірді.

2 қарашадағы өзге ойын нәтижелері төмендегіше: E тобы: «Бавария» (Германия) — «Вильярреал» (Португалия) 5:2 «Динамо Киев» (Украина) — «Барселона» (Испания) 0:1 G тобы: «Вольфсбург» (Германия) — «Зальцбург» (Австрия) 2:1 «Севилья» (Испания) — «Лилль» (Франция) 1:2 H тобы: «Мальме» (Швеция) — «Челси» (Англия) 0:1 «Ювентус» (Италия) — «Зенит» (Ресей) 4:2 Бүгін, 3 қарашада А,В,С, D топтарындағы ойындар өткізіледі.