Футболдан 2022 жылы өтетін әлем біріншілігінің ойын кестесі жарияланды

Халықаралық футбол федерациясы (FIFA) 2022 жылы Катар елінде өтетін әлем чемпионатының ойын кестесін жариялады, деп хабарлайды Елорда Инфо.

Мундиаль тарихында әлем біріншілігі алғаш рет күз-қыс айларында өтеді. Әлем чемпионатының ашылу матчы 2022 жылғы 21 қарашада Эль-Хаур қаласында жоспарланған, бұл кездесудің қатысушыларының бірі – турнир иесі Катар құрамасы екені белгілі. Топтық кезеңнің ойындары 2 желтоқсанға дейін жалғасады, күн сайын төрт матч өтеді. 1/8 финал ойындары 3-6 желтоқсан аралығында, ширек финал – 9-10 желтоқсан, 1/2 финал – 13-14 желтоқсан аралығында өтеді. Үшінші орын үшін матч 17 желтоқсанда Дохадағы «Халифа» стадионында өтеді. Бұған дейін хабарланғандай, 2022 жылғы әлем чемпионатының басталуына орай FIFA қаптал төрешілерін роботтармен алмастыруды жоспарлап отыр.