Финляндия екі-үш жыл ішінде Ресеймен шекараға биік дуал салады

27 қыркүйек 2022, 13:42


Финляндия екі-үш жылдың ішінде Ресеймен шекараның оңтүстік-шығыс бөлігіне дуал салуы мүмкін. Бұл туралы елдің шекара қызметі мәлімдеген, деп хабарлайды ҚазАқпарат ТАСС агенттігіне сілтеме жасап.

Ведомство 1300 шақырымдық шекараның 10-20 пайызын ғана қоршауды жоспарлап отыр.

Осылайша, қоршаудың ұзындығы 130-дан 260 шақырымға дейін созылады. Дуал шамамен 50 жылға шыдайды деп болжанып отыр.

Шекара қызметінің басшысы Паси Костамовараның айтуынша, қоршауды салуға жүздеген миллион еуро қажет.

Қоршаудың өзінен басқа, бұл сомаға шекарашыларға шекараны заңсыз кесіп өтуге тез әрекет етуге мүмкіндік беретін техникалық қызмет көрсету және тиісті инфрақұрылым құру кіреді.

Рейтер агенттігінің хабарлауынша, демалыс күндері Финляндиямен шекараны 17 мыңға жуық ресейлік кесіп өтті, бұл бір апта бұрынғыдан 80%-ға көп.

21-25 қыркүйекті қоса алғанда, Финляндиямен шекарадағы Выборг кеденінің өткізу бекеті арқылы Ресей Федерациясының аумағынан 13,1 мың автокөлік шыққан.

Кеденнің мәліметінше, 14-18 қыркүйекте Финляндия бағытына шекарадан 7,7 мың көлік өткен, көлік ағыны екі есеге жуық өскен.

Маусым айында Финляндия ішкі істер министрлігі ел үкіметінің «гибридті сипаттағы қауіп-қатерлерге» қарсы тұруға, оның ішінде «саяси қысым көрсету мақсатындағы көші-қон мәселесіне» дайын болу үшін шығыс шекарадағы (Ресеймен) қауіпті аудандарға кедергілер орнатуды жоспарлап отырғанын хабарлады.

7 шілдеде республиканың фин парламенті Шекара күзеті туралы және дайындық туралы заңға енгізілген түзетулерді қолдады.

Рейтер агенттігінің хабарлауынша, бұл түзетулер Ресеймен шекарада тосқауыл орнатуға және оны төтенше жағдайларда босқындар үшін жабуға бағытталған, бұл ЕО нормаларына қайшы келеді.

Заңның жаңа редакциясы Парламентке шекараларды қорғауға қатысты шешімдерді жедел қарауға, ал Үкіметке Финляндия шекарасына жақын жерде «дуалдар немесе басқа да қоршаулар» салу туралы бұйрықтар қабылдауға және барлық сұраныстарды бір немесе бірнеше шекара бекеттеріне, мысалы, әуежайға жіберуге мүмкіндік береді.

Бүгін, 11:30
Әлішер Сатыбалдиев: Индустриалды аймақ Алматы экономикасына серпін береді
27 наурыз, 16:38
Ұсақ-түйек емес: шұлық өндірісіне де қолдау қажет!
27 наурыз, 12:30
Берік Солтанбаев: Алматыда кәсіпкерлікті дамытуға жан-жақты қолдау жасалып отыр
26 ақпан, 15:10
Дархан Мыңбай: Кәсіпкерден дәметіп күнелтетін масылдар, әкімдік есігінен сығалауға машықтанған тоғышарлар бар
26 ақпан, 12:34
Қазақ баспасөзі: Сантараулы салалық журналистика
25 ақпан, 14:23
Фатима Жүнісова: Диванда жатып, «мемлекет асырасын» дейтіндер жетістікке жете алмайды
22 ақпан, 15:50
Кәдірбек Құныпияұлы: Газет санасы сарабдал, ойлы да сауатты оқырманмен бірге мәңгі жасай бермек!
21 ақпан, 16:51
Масылдық психологиядан қалай арыламыз?
21 ақпан, 14:48
Мақсұтбек Пірметов: Бізге артылған жауапкершіліктің жүгі ауыр