Шымбұлақ тау шаңғысы курорты Алматыдағы тұрақсыз ахуалға байланысты биылғы 5-12 қаңтар аралығында жұмыс істеген жоқ. Курорт 13 қаңтарда қайта жұмыс істей бастайды. Алматыдағы бүлік кезінде тау шаңғысы орталығында шетел азаматтары демалып жатқан еді. Курортта күзет күшейтілді. Жаппай тәртіпсіздік кезінде бұзақылар тарапынан Шымбұлаққа шабуыл болған жоқ.
Медеу-Шымбұлақ арасындағы аспалы жол сағат 08.30-дан 18.00, Комби -1 9.00-17.00, Комби-2 9.00-16.30-ға дейін жұмыс істейді.
Курорттағы барлық қызмет көрсету орындары кестеге сай жұмыс істеуде. Түнгі сырғанаққа уақытша тыйым салынды.