Ерсайын Ерқожа білім министрлігінің быт-шытын шығарды (видео)

Бірінші сынып оқушысында үш пән болу керек. Әліппе, математика, қазақ тілі.  4-5 сыныптардан кейін қалғанын қосуға болады. Бұл туралы «Ұрпақ тағдыры — білім» бірлестігінің жетекшісі Ерсайын Ерқожа Jasqazaq.kz сайтына берген сұхбатында мәлімдеді. 

Сонымен қатар ол Білім және Ғылым министрлігінің жұмысына мүлдем көңілі толмайтынын ашып айтты.

«Әліппені алып тастағандар нағыз білімсіздер. Олар әліппені алып тастағанымен қоймай, алфавитті де өзгертіп тастады. Мен өмір бойы білім саласында жұмыс істеп келе жатырмын,  жоғарғы сыныптарға физика және математика пәндерінен сабақ бердім. Бірақ қазір 2 сыныптың кейбір есептерін мен шығара алмаймын. Себебі ол есептер адамның құлағына кірмейді» — деп ашына айтты Е.Ерқожа.