Ернар Айдар: Жарнама жасап, алданып қалдым (видео)

 

Посмотреть эту публикацию в Instagram

 

Публикация от ℝℕℝ ℝ (@ernaraidar_kz) 28 Апр 2020 в 11:51 PDT

Басы дауға қалған әнші Ернар Айдар алты күндік үнсіздіктен кейін бүгін бірауыз пікір білдірді. «Алаяқ ұйымның құрбаны болдым» деген ол, бұл жолы алданған халықтан жаттанды кешірім де сұраған жоқ.

— Тергеу жұмыстарын жүргізіп жатыр. Сол тергеу жұмыстарының әділ өтуіне мен де өз тарапымнан көмегімді беріп жатырмын. Сол тірлікке жарнама жасаймын деп, мен де алданып қалдым, ағайын.

Осыған дейін конкурстың әділ өтуіне уәде берген әнші, енді тергеудің әділ жүруіне септеспек. Көпті толғандырған бір сұрақ: оның 23 сәуірден бері не үшін бұғып, үнсіз қалғаны. Сол күні оларды карантин режимін бұзғаны үшін ұстағанымен, 27 780 теңге айыппұл салып босатқан. Алматының Экономикалық тергеу департаменті Ернар Айдар өткізген лотереяны заңсыз деп тапты. Қазір «алаяқтық» бабымен іс қозғалып, тергеу жүріп жатыр. Өйткені ойнатылған төрт көліктің жалға алынғаны анықталды. Ал пәтер мүлдем болмаған. Әзірге аталмыш істе әнші куәгер ретінде жауап беруде.

Ktk.kz