Ерлан Тілеуімбетов қарсыласын жарты минутта сұлатып салды (видео)

Комбат джиу-джитсу спортынан өткен әлем чемпионатының финалында қазақстандық Ерлан Тілеуімбетов қарсыласын жарты минуттың ішінде жеңіп тастады.

Бұл туралы Қазақстан джиу-джитсу ассоциациясының баспасөз қызметі хабарлайды.

Жарыс Хорватияның Сплит қаласында өтті. Әлемдік додаға дүниежүзінің 30 мемлекетінен спортшылар қатысқан. Бұл додада Қазақстанның намысын Ерлан Тілеуімбетов, Темірлан Айсәділов, Шыңғыс Парымбеков және Әлішер Үмітбековтер қорғады.

Ел қоржынына алғашқы алтынды 70 келіге дейін сынға түскен алматылық Темірлан Айсәділов сыйлады. Одан кейін үш отандасымыз да жеңіс тұғырына көтерілді. Ерлан Тілеуімбетов жәй жеңіске жетіп қана қоймай, әлемнің бес дүркін чемпионы деген атаққа да қол жеткізіп отыр.