Ерлан Сағадиев Мұхтар Тайжанмен «жекпе-жекке» шықпайтындығын айтты

Үкімет үйінде өткен баспасөз мәжілісінде Білім және ғылым министрі Ерлан Сағадиев Мұхтар Тайжанмен ашық пікірталасқа шықпайтындығын айтты деп хабарлайды jasqazaq.kz тілшісі.

«Тайжанға қатысты айтар болсам, бұл менің қызметіме жатпайды деп есептеймін. Маған ол қызық емес және онымен кездесуді ойлап отырғаным жоқ», — деді журналистің сауалына орай.

Жуықта «Хабар» арнасында Денсаулық сақтау министрі Елжан Біртанов пен «Талап» қолданбалы зерттеулер орталығының директоры Рахым Ошақбаев арасында міндетті медициналық сақтандыру жүйесіне қатысты дебат өтіп, әлеуметтік желіде көп талқыланған еді. Содан кейін Мұхтар Тайжан да фейсбуктағы парақшасында Білім және ғылым министрі Ерлан Сағадиевті үш тұғырлы тіл, қазақ тарихы жөнінде халықтың алдында ашық дебат өткізуге шақырған болатын.