Еркежан Дәулетжанқызын жеңген «жігіт» жайлы пікір білдірді

Қазақстан Бокс федерациясы жастар арасындағы бокстан Азия чемпионатындағы жанжалға қатысты пікір білдірді.

«Қазақпарат» хабарлағандай, «Бұл жағдайдан біздің хабарымыз бар. Оқиға тексеріліп жатыр. Қолданыстағы процедура бойынша АИБА және Азия Бокс конфедерациясына сауал жіберу қажет емес. Егер осы жағдай ресми түрде расталса, халықаралық ұйымдардың өздері бізге бірінші орын үшін берілетін алтын медаль мен дипломды жіберуі тиіс», — деп мәлімдеді Қазақстан Бокс федерациясының баспасөз қызметі. Еске сала кетейік, Азия чемпионатынан кейін (сәуір, Таиланд) 57 килограмға дейінгі салмақ санатының финалында қазақстандық Еркежан Дәулетжанқызын жеңген вьетнамдық боксшы До Хонг Нгок (Do Hong Ngoc) еркек екені белгілі болған.