Ердуан Қырымның Ресейге қосылуын мойындамайтынын мәлімдеді

Түркия президенті Тайып Ердуан Түркияның Украинаның егемендігін қолдайтынын және Қырымның «заңсыз аннексиясын» мойындамайтынын мәлімдеді, — деп хабарлайды РИА Новости. Бұл мәлімдемені ол Украина президенті Петр Порошенкомен Киевтегі өткен екіжақты келіссөздердің қорытындысы бойынша брифингте жасады. «Порошенкоға Түркияның Украина егемендігін, территориялық тұтастығын, оның ішінде Қырымды және саяси консолидациясын қолдауды жалғастыратынын тағы да айттым», — деді ол. Сондай-ақ, Ердуан украин әріптесімен кездесуде Қара теңіз аймағындағы қауіпсіздік мәселесі бойынша үйлестіруге келіскенін айтты. «Біз елдерімізге қатысты халықаралық аймақтық мәселелерді талқыладық, оның ішінде Қара теңіз аймағындағы қауіпсіздік мәселесі де бар. Досымыз екеуміз (Порошенкомен) осы мәселеде үйлесе отырып әрекет етуге келістік», — деді Ердуан Порошенкомен бірге өткен мәслихатта. Қырым 2014 жылдың наурызында жартыаралда өткізілген референдумнан кейін Ресейдің аймағы болып танылған еді, сол кезде Қырым республикасының сайлаушыларының 96,77 пайызы және Севастополь тұрғындарының 95,6 пайызы Ресей құрамына енуді қолдап дауыс берген болатын.

Tengrinews.kz