Ер адам қызға зорлық-зомбылық көрсетті деп айыпталды

Павлодарда ер адамға қызды ұрлап, аяусыз ұрып, зорлады деген айып тағылды. Полиция бұл жағдайға түсініктеме берді.

Ақпаратты «Немолчи» қоры жариялады. Ондағы мәліметке сүйенсек, 11 қазанда дүкенге шыққан қызды ер адам ұрлап кеткен.

«Ол бұған дейін бірнеше рет осылай жазасыз жасаған, оны қорлап, қорқытқан. Полиция мұны отбасылық-тұрмыстық жанжал деп санап, оны босатып жіберген.

12 қазанда түстен кейін қыз одан қашып, жедел жәрдем шақыра алған, бірақ ер адам ол ауруханаға кірер алдында жедел жәрдем көлігінен ұрлап кеткен.

12 қазанда полиция қызметкері жәбірленушінің анасына қоңырау шалып, қызының жедел жәрдем көлігінен ұрланғанын хабарлайды. Бұл ақпарат аурухана қызметкерлерінен келген. Ол дереу іздеу жариялайды», — делінген қор жазбасында.

Қордың мәліметі бойынша, содан кейін ер адам жәбірленушіні жалдамалы пәтерге алып барған.

«Онда үй иесі қыз бас киімін шешіп, басының жарылғанын және қансырап тұрғанын көзімен көрсеткенімен, оны қауіп-қатерде қалдырып кеткен. Күдіктіге полиция шақырмайтынын, бірақ шу шығармауын және тәртіпсіздік жасамауын сұрайды. Күдікті түні бойы әйелді ұрып-соғып, зорлап, содан кейін айғақтарды өзі жуып тастайды. Таңертең үй қожайыны келіп, олардың іздеуде екенін айтып, пәтерді босатуды сұрайды. Содан кейін ер адам қалжыраған құрбанын үшінші пәтерге алып кетеді. Онда ол тағы да оны ұрады. Кейін жәбірленуші қорқынышын жеңіп, жоғалтатын ештеңе жоқ екенін түсініп, оны өлтіріп жатырқанын айтып, қатты айғайлай бастайды. Нәтижесінде көршілері полиция шақырған, олар есікті бұзып ашады. Қызды жедел жәрдем, ер адамды полиция алып кетеді. Бірақ үш сағаттан кейін ол босатылып, іс «Ұрып-соғу» әкімшілік бабы бойынша қозғалады», — делінген «Немолчи» хабарламасында.

Жәбірленуші ұрып-соғу салдарын видеоға түсіріп алған.

Полиция бұл жағдайға түсініктеме берді.

«Бұл факт бойынша ҚР Қылмыстық кодексінің 126-бабы («Бас бостандығынан заңсыз айыру») бойынша сотқа дейінгі тергеу басталды. Қажетті тергеу әрекеттері жүргізіліп жатыр. Бірқатар сараптама тағайындалды, олардың нәтижелері бойынша басқа баптар бойынша процессуалдық шешім қабылдады», — деді Павлодар облысы ПД баспасөз қызметіндегілер.

Tengrinews.kz